بقلم دروبس فروم ذي أوشن
مبقاش مصطلح "غسيل المخ" محصور فى اللعبة النفسية اللى بتعملها اجهزة المخابرات عشان تغير افكار المعتقلين ونظام افلام الأكشن ده ، بقي يتقال على كل وسائل تطويع العقول وتعطيل عمليات التفكير المنطقى فيها عشان تسلم بافكار معينة .. المغسولين كتروا أوى. تلاقى الواحد بيقول ده صح، وده غلط
-طيب ليه ؟؟
-مممممممم معرفش بس صدقنى ده صح وده غلط !!
كده وخلاص! عمليات غسيل المخ اللى بالمفهوم ده مش بتبقى بالضرورة تبع مؤامرة معمولة ضدنا خططلها الأعداء الأشرار، لكنها أوقات بتبقى غير مقصودة بالمرة، زى اللى احيانا بيمارسها الاهل على اولادهم مثلا، واوقات بتبقى مقصودة زى حملات معينة فى وسائل اعلام موجهة، لكن فى كل الاحول غسيل المخ حاجة سهلة خالص، وليها طرق بسيطة ممكن اى حد يعملها.
-طيب ليه ؟؟
-مممممممم معرفش بس صدقنى ده صح وده غلط !!
كده وخلاص! عمليات غسيل المخ اللى بالمفهوم ده مش بتبقى بالضرورة تبع مؤامرة معمولة ضدنا خططلها الأعداء الأشرار، لكنها أوقات بتبقى غير مقصودة بالمرة، زى اللى احيانا بيمارسها الاهل على اولادهم مثلا، واوقات بتبقى مقصودة زى حملات معينة فى وسائل اعلام موجهة، لكن فى كل الاحول غسيل المخ حاجة سهلة خالص، وليها طرق بسيطة ممكن اى حد يعملها.
-1-
قول لهم : قال الله وقال الرسول
دى من اسهل واسرع طرق الغسيل :) ، هتلاقى عدد كبير بيسمعوك وبيصدقوك على عماهم ، هتلاقيهم بيقولوا التعبير الشهير "ده راجل كويس و بيقول قال الله وقال الرسول". افرح بقى انت اخدت اللقب ! اكيد مش قضيتى هى استخدام القرآن والسنة كمرجعية ، لكن القضية فى طريقة تعامل الناس معاها ، انهم بمجرد مايسمعوا حد بيقول ان كلامه له "دليل من القرآن و السنة" معناه ان كلامه اتوماتيك صح ! مش بيفكروا يتأكدوا من صحة الدليل ولا صحة الاستدلال بيه، ومش واضح عندهم الفرق بين فهم شخص ما للنص وبين النص نفسه وان فهم وتفسيرات الاشخاص مهما كانوا ممكن تبقى صح أو غلط .
مجرد امثلة بسيطة اكيد حصل شبهها مع اى حد فينا ، مرة واحد طلع فى برنامج فضائى مشهور ايام 6 ابريل وكده، و كان شخصية أمنية.. صاحبنا قال بكل ثقة "سيدنا محمد بيقول : "لا دخل لكم بحكامكم" ده حديث صحيح " (ملحوظة ، مفيش حديث اسمه كده اصلا )
وبعد فترة صغيرة حصل حوار عابر جدا عن حال البلد، فبنت زميلتى حبت تفقل الموضوع بطريقة شرعية فقالت نفس الحديث بنفس الثقة ! طلع صاحبنا اللى فى البرنامج (اكيد هو المصدر الاوحد الوحيد له عشان هو اللى مألفه :) ) ، وبردو بنت زميلتى تانية منتقبة ، قابلتنى فى الشارع و سلمت عليا قولتلها انى شبهت عليها من الشنطة والكوتشى. اتصدمت جدا لما قالتلى بكل ندم انها مش هتلبسهم تانى عشان بيخلوا الناس يعرفوها و خالتو "أم عبد الرحمن" فى الحلقة قالتلها ان كده يبقى "لباس شهرة" وبقى النقاب ملوش لازمة عشان محققش هدفه، ان "محدش يعرفها"! وقالت الآية "ذلك ادنى ان يعرفن فلا يؤذين"! مع ان تفسير "ام عبد الرحمن" للآية غلط جدا لفظا ومضمونا ، لكن التفكير ممنوع فى الحلقة عشان ام عبد الرحمن بتقول قال الله وقال الرسول ، هيبقى عند حضرتك قول تانى ؟
-2-
احكيلهم حكايات امنا الغولة
"ياناس البلد دى مستهدفة" ، "يااخوانى اعداء الامة يتربصون بشبابنا" واديها من الكلام ده كتير ، الناس وهى خايفة مبتفكرش ! هيمشوا على اللى انت قولته وهما بيبصوا وراهم مش هيبصوا قدامهم ولا هيفكروا رايحين فين ! شرط اساسى فى عمليات غسيل المخ الاصلية اللى هى بتحصل فى المخابرات على المساجين انهم لازم يخلوا اللى بيغسلوه خايف وتحت تهديد مستمر، والتخويف فعال أوى برضو فى الغسيل بتاعنا ده. اتكلم كتير عن المؤامرات واملا دماغهم بالكلام ده. عارفين رسالة الموبايل اللى انتشرت فى السعودية عن نوع من الشمام ، الرسالة بتقول محدش يشتريه عشان ده مستورد من اسرائيل ومحقون بالايدز وحالات كتير اتنقلهم الفيرس لما اكلوا منه !! الغريب ان الرسالة اتبعتت من واحد لواحد وانتشرت جدا ومحدش فكر ولو لثانية واسترجع معلومة بدائية ان الايدز مش بيتنقل بالاكل ! لكن ازاى نفكر ؟! الموضوع فيه اسرائيل وفيه ايدز ! ايه الرعب ده ! ننشرها وننقذ الضحية البرئية الجاية من الشمام الصهيونى المتوحش ولنا الاجر والثواب عند الله!
-3-
اقفل عليهم كل المنافذ
دى وسيلة منتشرة ومجربة (حتى بيعملوها معايا فى البيت) واوقات احنا بنعملها على نفسنا (ايوه يا فندم ممكن تغسل دماغك بنفسك:) ) ، لما بنجبر نفسنا او حد بيجبرنا بطريقة او اخرى اننا نبقى فى عزلة فكرية وتبقى الوصاية مفروضة على المدخلات اللى رايحة مخنا ، لما تخلى نفسك او اى حد ميقرأش مثلا لعبدالله القصيمى او لنوال السعداوى او ميسمعش رأى واحد مثلا عن دينه اللى هو دينك او اتمرد على ايديولوجيته ، لما تلاقى الشيوخ بتحذر من كتب معينة وبتطالب بمصدارتها وبتنفر من شخصيات معينة واحيانا بتحل دمها عشان بيقدموا فكر معارض وناقد للفكر اللى هما بيقدموه للناس ، عشان تغسلهم لازم تسجنهم فى الاطار الفكرى اللى انت عايزه ومتخلهمش يبصوا برا ، لحسن عقلهم يشتغل وينتقد ويحلل ويتفهم الاخر ويمكن يتبنى فكره وكده تبقى مصيبة!
-4-
خلى الدنيا ابيض واسود
لما تخلى الدنيا ابيض و اسود ، خير وشر ، حق وباطل ، واكيد حضرتك بتقدم الابيض والخير والحق ، ومش هيحتاجوا ذكاء عشان يستنتجوا ان كل حاجة غير اللى انت بتقولها اكيد هتبقى الاسود والشر والباطل ! الحكاية دى بتخلى الناس ساعة ماتفكر تقع فى غلط منطقى شهير اسمه الحكم المضاد او المناوئ ، اللى هو "التانين غلط اذن انا صح" ! تلاقى المغسولين كل كلامهم ان الغرب اباحى ولا اخلاقى لان ده معناه عندهم انهم اخلاقيين وكويسين، اليهود اشرار وسفاحين اذن العرب ملايكة وضحايا، الشيعة ضالين مضلين اذن السنة هاديين ومهتدين ، الاشتراكية فشلت اذن الرأسمالية ناجحة .. الخ ! كده الحمدلله هتطمن انهم بدل مايملوا دماغهم بفكر حقيقى مبنى على اساس منطقى هيملوها بس بمجموعة احكام مناوئة خاطئة تخدم مصلحتك.
-5-
قول لهم : "نحن نختلف عن الاخرون"
خليك زى هتلر كده اللى أسر قلوب ناس كتير وضيع عقولهم تحت تأثير اسطورة انهم من درجة اعلى وارقى من بقية خلق ربنا. هو حد يكره؟! البشر بطبعهم فيهم نزعة داخلية صغيرة للغرور ، ياسلام بقى لو انت تقولهم كلام يكبر النزعة دى ويطورها لنوع من العنصرية! قولهم انتم شعب الله المختار وانتم خير امة اخرجت للناس ، ده هيخليهم يرضوا تماما عن الافكار والاطر اللى متبنينها ولو فكروا يفكروا هيبقى تفكيرهم مجرد وسيلة لمناصرة افكارهم الموجودة عندهم بالفعل .
بصراحة ، انا شخصيا بحمل المسئولية على الضحية ! لان المغسولين مش بيبقوا معمولهم تنويم مغناطيسى ولا محرومين من الاكل والنوم فى المعتقل ، لأ دول بيبقوا فى كامل وعيهم وارادتهم وسايبين حد يطوع عقولهم ويتحكم فيها ويحط حدود خيالية علي فكرهم ويفرض عليهم طريقة حكمهم على الامور ... صحيح ان فى حاجات ممكن تكون حتمية، زى الغسيل المبكر اللى فى التعليم المصرى والاعلام المصرى، بس الواحد ممكن يصلح اللى اتكسر بإنه يتخلص من الثقافة السميعة كمصدر اول، ويعلم نفسه طرق التفكير المنطقى الموضوعى -والله شوية منطق عمرهم ماهيضروا!
دى من اسهل واسرع طرق الغسيل :) ، هتلاقى عدد كبير بيسمعوك وبيصدقوك على عماهم ، هتلاقيهم بيقولوا التعبير الشهير "ده راجل كويس و بيقول قال الله وقال الرسول". افرح بقى انت اخدت اللقب ! اكيد مش قضيتى هى استخدام القرآن والسنة كمرجعية ، لكن القضية فى طريقة تعامل الناس معاها ، انهم بمجرد مايسمعوا حد بيقول ان كلامه له "دليل من القرآن و السنة" معناه ان كلامه اتوماتيك صح ! مش بيفكروا يتأكدوا من صحة الدليل ولا صحة الاستدلال بيه، ومش واضح عندهم الفرق بين فهم شخص ما للنص وبين النص نفسه وان فهم وتفسيرات الاشخاص مهما كانوا ممكن تبقى صح أو غلط .
مجرد امثلة بسيطة اكيد حصل شبهها مع اى حد فينا ، مرة واحد طلع فى برنامج فضائى مشهور ايام 6 ابريل وكده، و كان شخصية أمنية.. صاحبنا قال بكل ثقة "سيدنا محمد بيقول : "لا دخل لكم بحكامكم" ده حديث صحيح " (ملحوظة ، مفيش حديث اسمه كده اصلا )
وبعد فترة صغيرة حصل حوار عابر جدا عن حال البلد، فبنت زميلتى حبت تفقل الموضوع بطريقة شرعية فقالت نفس الحديث بنفس الثقة ! طلع صاحبنا اللى فى البرنامج (اكيد هو المصدر الاوحد الوحيد له عشان هو اللى مألفه :) ) ، وبردو بنت زميلتى تانية منتقبة ، قابلتنى فى الشارع و سلمت عليا قولتلها انى شبهت عليها من الشنطة والكوتشى. اتصدمت جدا لما قالتلى بكل ندم انها مش هتلبسهم تانى عشان بيخلوا الناس يعرفوها و خالتو "أم عبد الرحمن" فى الحلقة قالتلها ان كده يبقى "لباس شهرة" وبقى النقاب ملوش لازمة عشان محققش هدفه، ان "محدش يعرفها"! وقالت الآية "ذلك ادنى ان يعرفن فلا يؤذين"! مع ان تفسير "ام عبد الرحمن" للآية غلط جدا لفظا ومضمونا ، لكن التفكير ممنوع فى الحلقة عشان ام عبد الرحمن بتقول قال الله وقال الرسول ، هيبقى عند حضرتك قول تانى ؟
-2-
احكيلهم حكايات امنا الغولة
"ياناس البلد دى مستهدفة" ، "يااخوانى اعداء الامة يتربصون بشبابنا" واديها من الكلام ده كتير ، الناس وهى خايفة مبتفكرش ! هيمشوا على اللى انت قولته وهما بيبصوا وراهم مش هيبصوا قدامهم ولا هيفكروا رايحين فين ! شرط اساسى فى عمليات غسيل المخ الاصلية اللى هى بتحصل فى المخابرات على المساجين انهم لازم يخلوا اللى بيغسلوه خايف وتحت تهديد مستمر، والتخويف فعال أوى برضو فى الغسيل بتاعنا ده. اتكلم كتير عن المؤامرات واملا دماغهم بالكلام ده. عارفين رسالة الموبايل اللى انتشرت فى السعودية عن نوع من الشمام ، الرسالة بتقول محدش يشتريه عشان ده مستورد من اسرائيل ومحقون بالايدز وحالات كتير اتنقلهم الفيرس لما اكلوا منه !! الغريب ان الرسالة اتبعتت من واحد لواحد وانتشرت جدا ومحدش فكر ولو لثانية واسترجع معلومة بدائية ان الايدز مش بيتنقل بالاكل ! لكن ازاى نفكر ؟! الموضوع فيه اسرائيل وفيه ايدز ! ايه الرعب ده ! ننشرها وننقذ الضحية البرئية الجاية من الشمام الصهيونى المتوحش ولنا الاجر والثواب عند الله!
-3-
اقفل عليهم كل المنافذ
دى وسيلة منتشرة ومجربة (حتى بيعملوها معايا فى البيت) واوقات احنا بنعملها على نفسنا (ايوه يا فندم ممكن تغسل دماغك بنفسك:) ) ، لما بنجبر نفسنا او حد بيجبرنا بطريقة او اخرى اننا نبقى فى عزلة فكرية وتبقى الوصاية مفروضة على المدخلات اللى رايحة مخنا ، لما تخلى نفسك او اى حد ميقرأش مثلا لعبدالله القصيمى او لنوال السعداوى او ميسمعش رأى واحد مثلا عن دينه اللى هو دينك او اتمرد على ايديولوجيته ، لما تلاقى الشيوخ بتحذر من كتب معينة وبتطالب بمصدارتها وبتنفر من شخصيات معينة واحيانا بتحل دمها عشان بيقدموا فكر معارض وناقد للفكر اللى هما بيقدموه للناس ، عشان تغسلهم لازم تسجنهم فى الاطار الفكرى اللى انت عايزه ومتخلهمش يبصوا برا ، لحسن عقلهم يشتغل وينتقد ويحلل ويتفهم الاخر ويمكن يتبنى فكره وكده تبقى مصيبة!
-4-
خلى الدنيا ابيض واسود
لما تخلى الدنيا ابيض و اسود ، خير وشر ، حق وباطل ، واكيد حضرتك بتقدم الابيض والخير والحق ، ومش هيحتاجوا ذكاء عشان يستنتجوا ان كل حاجة غير اللى انت بتقولها اكيد هتبقى الاسود والشر والباطل ! الحكاية دى بتخلى الناس ساعة ماتفكر تقع فى غلط منطقى شهير اسمه الحكم المضاد او المناوئ ، اللى هو "التانين غلط اذن انا صح" ! تلاقى المغسولين كل كلامهم ان الغرب اباحى ولا اخلاقى لان ده معناه عندهم انهم اخلاقيين وكويسين، اليهود اشرار وسفاحين اذن العرب ملايكة وضحايا، الشيعة ضالين مضلين اذن السنة هاديين ومهتدين ، الاشتراكية فشلت اذن الرأسمالية ناجحة .. الخ ! كده الحمدلله هتطمن انهم بدل مايملوا دماغهم بفكر حقيقى مبنى على اساس منطقى هيملوها بس بمجموعة احكام مناوئة خاطئة تخدم مصلحتك.
-5-
قول لهم : "نحن نختلف عن الاخرون"
خليك زى هتلر كده اللى أسر قلوب ناس كتير وضيع عقولهم تحت تأثير اسطورة انهم من درجة اعلى وارقى من بقية خلق ربنا. هو حد يكره؟! البشر بطبعهم فيهم نزعة داخلية صغيرة للغرور ، ياسلام بقى لو انت تقولهم كلام يكبر النزعة دى ويطورها لنوع من العنصرية! قولهم انتم شعب الله المختار وانتم خير امة اخرجت للناس ، ده هيخليهم يرضوا تماما عن الافكار والاطر اللى متبنينها ولو فكروا يفكروا هيبقى تفكيرهم مجرد وسيلة لمناصرة افكارهم الموجودة عندهم بالفعل .
بصراحة ، انا شخصيا بحمل المسئولية على الضحية ! لان المغسولين مش بيبقوا معمولهم تنويم مغناطيسى ولا محرومين من الاكل والنوم فى المعتقل ، لأ دول بيبقوا فى كامل وعيهم وارادتهم وسايبين حد يطوع عقولهم ويتحكم فيها ويحط حدود خيالية علي فكرهم ويفرض عليهم طريقة حكمهم على الامور ... صحيح ان فى حاجات ممكن تكون حتمية، زى الغسيل المبكر اللى فى التعليم المصرى والاعلام المصرى، بس الواحد ممكن يصلح اللى اتكسر بإنه يتخلص من الثقافة السميعة كمصدر اول، ويعلم نفسه طرق التفكير المنطقى الموضوعى -والله شوية منطق عمرهم ماهيضروا!
Posts
