بقلم باندورا
مش هو ده المقال اللى كنت محضراه للعدد الجديد. بس فى موضوع استفزنى و مقدرتش امنع نفسى من اثارته.. من كام يوم شدنى اعلان موقع اسمه مطلقات. و شدنى الهدف من الموقع. و اللى هو تزويج المطلقات المصريات من عرب زواج عرفى او مسيار او شرعى!! استغربت و مصدقتش انها بقت كده علنى.
المهم دخلت على الموقع قابلتنى صوره مبتذله لفتاه لا تتخطى بأى حال من الاحوال العشرين من عمرها و مكتوب تحت الصورة "صورة الاسبوع" و جدول فيه اسامى البنات المشتركات و اعمارهم. اللى عمرها 18 و اللى عمرها 20.. المهم ان كلهم ماتخطوش التلاتين.. طب ليه و ازاى يشتركوا فى موقع زى ده؟ و فين اهاليهم؟ و جواز مسيار ايه اللى بينادوا بيه؟؟ كل ده فكرنى بموقف غريب حصلى السنه اللى فاتت... كنت راكبة تاكسى فى شارع جامعة الدول العربية. و كان السواق بيتكلم بعصبية مع واحد فهمت من سياق الحوار انه سعودى و انه طالب فى احد الجامعات الخاصة
و بعد ما اغلق السواق الخط و بعد ما جالى مكالمة فهم منها انى محامية..دار الحوار ده بيننا....
-حضرتك محامية؟
- آه
-طيب انا قاصد سيادتك فى خدمة كده و لو عملتيهالى فى خلال شهر هنغنغك.
-خير؟
-أنا الواد اللى كان بيكلمنى ده عربى وأنا يعنى احب اوفق راسين ف الحلال.. اديكى زى مانتى شايفه ظروف بناتنا زى الزفت و مش لاقيين جواز. القصد عرفته على بنت اتجوزها واتفق معاها انها تاخد اربعين الف ريال و يطلقها بعد خمستاشر يوم. البت بعد المدة قلبته و سرقت متين و خمسين ألف ريال.. و قارفنى انا بقى. قمت عشان ابقى عملت اللى عليا جبتله بت تانيه. بس المحامى ابن ال...... طمع فى فلوس زيادة.. إيه رأيك تخلصيلنا انتى الموضوع ده و تاخدى ألفين جنيه؟
انا بصراحه مصدقتش ودانى. رديت بذهول و قلتله
-يعنى ايه خمستاشر يوم؟ هو العقود اللى انتوا بتعملوها محددين فيها مدة الجواز ازاى؟ و ليه؟! ده يبقى عقد متعه مش عقد جواز.
قالى بنرفزه
-انتى ايه.. هتحرمى اللى ربنا حلله؟ بقولك الورقة الواحدة هنديكى فيها ألفين جنيه. و زبايننا كتير بس كلهم طلبة جامعة و انتى عارفة شباب و متغربين و مبيقدروش ع الوحدة و لامؤاخذة.. ربنا مديهم الصحة و البنات عنسوا.. ف بدل ما الشباب يقعوا ف الغلط و البنات تعنس احنا بنعمل اللى ربنا يقدرنا عليه..
-انتو مين؟
-انا و المحامى اللى طمع الله يسامحه بقى. انا عارف الناس لما بتشوف الفلوس بتتهبل و لا ايه؟
-آه صح.. و انت بقى اللى بتحل ازمه العنوسة و مش طماع.. لأ ربنا يزيدك من نعيمه.. بس آسفة احنا مبنشتغلش فى الكلام ده. فرصه تانيه بقى
و نزلت و انا مش مصدقه انى مش ف فيلم هابط.
من كام يوم برضه قريت مقال فى جريده "الخميس" . بتحكى فيه صحافية عن انها راحت لجماعة من السماسرة اياهم اللى بيجوزوا بناتنا للعرب بالساعة! و قعد الراجل الكبير بتاعهم يتفحصها. و لما ارتبكت ست كانت واقفة جنبها قالتلها "متخافيش بيعى يا بنتى. كل البنات بيعملوا كده. هيجى العريس و نتفق معاه و عشان انتى سنك صغيرة و لسه بكر هيكون سعرك غالى.السماسره هياخدوا خمستاشر ألف و انتى خمستلاف. و بعدين نوديكى تعملى العمليه.و تتجوزى تانى و هكذا"!..
و رد السمسار قالها "اه عادى .انا كان معايا واحدة جوزتها بالطريقة دى سبعتاشر مرة.. دلوقتى ماشاءالله بَنت عمارة و بقت صاحبة املاك و راحت ف بلد محدش يعرف حاجة عنها فيها عشان تعرف تعيش. أهم حاجه تجهزى نفسك عشان الزبون لازم يعاين البضاعة.. بتكونوا خمس او ست بنات.. و كل سمسار او سمسارة بتحضرله بنت و هو يعاين و البنت واقفة قدامه عريانة. عادى يا بنتى متخافيش انتى مش أول ولا آخر واحدة تعمل كده. و بعدين ده حلال.. ماهو هيبقى جوزك بورقة عرفى و شهود. و بعدين يرمى عليكى اليمين و تقطعى الورقة بعد ماتخدى منه مبلغ كبير.. و انتى و شطارتك ليلة الدخلة ممكن تسلكى منه فلوس كتير غير الهدايا و المجوهرات"
قريت الموضوع ده تانى يوم من دخولى على موقع المطلقات اللى مش عارفة لحد الآن ليه و اشمعنى المطلقات؟! يمكن عشان هتكون المطلقة فريسة اسهل للسادة اصحاب الموقع و اللى بيسيروا الدعارة برخصة!
طيب مين المسئول عن الهزل ده؟ مين المسئول عن ان بناتنا يبقوا سلع
بيبيعوا لحمهم للى يدفع بالساعة؟ و ليه و عشان ايه؟ عشان البنات دول ملهمش اهل يلموهم؟ ولا ظروفهم صعبة فبيبيعوا؟ ولا عشان هما رخاص و منحطين؟ و لا جهله مش فاهمين ايه حقيقه اللى بيعملوه فى بلدنا و ف نفسهم؟
مين السبب فى انتشار شبكات الدعارة اللى واخدة الدين و حل ازمة العنوسه ستار عشان يجملوا الحقيقة المفزعة و يقنعوا البنات انها تبيع؟
انا محبطة و مكتئبة.. و بصراحة منتظره الأسوأ
المهم دخلت على الموقع قابلتنى صوره مبتذله لفتاه لا تتخطى بأى حال من الاحوال العشرين من عمرها و مكتوب تحت الصورة "صورة الاسبوع" و جدول فيه اسامى البنات المشتركات و اعمارهم. اللى عمرها 18 و اللى عمرها 20.. المهم ان كلهم ماتخطوش التلاتين.. طب ليه و ازاى يشتركوا فى موقع زى ده؟ و فين اهاليهم؟ و جواز مسيار ايه اللى بينادوا بيه؟؟ كل ده فكرنى بموقف غريب حصلى السنه اللى فاتت... كنت راكبة تاكسى فى شارع جامعة الدول العربية. و كان السواق بيتكلم بعصبية مع واحد فهمت من سياق الحوار انه سعودى و انه طالب فى احد الجامعات الخاصة
و بعد ما اغلق السواق الخط و بعد ما جالى مكالمة فهم منها انى محامية..دار الحوار ده بيننا....
-حضرتك محامية؟
- آه
-طيب انا قاصد سيادتك فى خدمة كده و لو عملتيهالى فى خلال شهر هنغنغك.
-خير؟
-أنا الواد اللى كان بيكلمنى ده عربى وأنا يعنى احب اوفق راسين ف الحلال.. اديكى زى مانتى شايفه ظروف بناتنا زى الزفت و مش لاقيين جواز. القصد عرفته على بنت اتجوزها واتفق معاها انها تاخد اربعين الف ريال و يطلقها بعد خمستاشر يوم. البت بعد المدة قلبته و سرقت متين و خمسين ألف ريال.. و قارفنى انا بقى. قمت عشان ابقى عملت اللى عليا جبتله بت تانيه. بس المحامى ابن ال...... طمع فى فلوس زيادة.. إيه رأيك تخلصيلنا انتى الموضوع ده و تاخدى ألفين جنيه؟
انا بصراحه مصدقتش ودانى. رديت بذهول و قلتله
-يعنى ايه خمستاشر يوم؟ هو العقود اللى انتوا بتعملوها محددين فيها مدة الجواز ازاى؟ و ليه؟! ده يبقى عقد متعه مش عقد جواز.
قالى بنرفزه
-انتى ايه.. هتحرمى اللى ربنا حلله؟ بقولك الورقة الواحدة هنديكى فيها ألفين جنيه. و زبايننا كتير بس كلهم طلبة جامعة و انتى عارفة شباب و متغربين و مبيقدروش ع الوحدة و لامؤاخذة.. ربنا مديهم الصحة و البنات عنسوا.. ف بدل ما الشباب يقعوا ف الغلط و البنات تعنس احنا بنعمل اللى ربنا يقدرنا عليه..
-انتو مين؟
-انا و المحامى اللى طمع الله يسامحه بقى. انا عارف الناس لما بتشوف الفلوس بتتهبل و لا ايه؟
-آه صح.. و انت بقى اللى بتحل ازمه العنوسة و مش طماع.. لأ ربنا يزيدك من نعيمه.. بس آسفة احنا مبنشتغلش فى الكلام ده. فرصه تانيه بقى
و نزلت و انا مش مصدقه انى مش ف فيلم هابط.
من كام يوم برضه قريت مقال فى جريده "الخميس" . بتحكى فيه صحافية عن انها راحت لجماعة من السماسرة اياهم اللى بيجوزوا بناتنا للعرب بالساعة! و قعد الراجل الكبير بتاعهم يتفحصها. و لما ارتبكت ست كانت واقفة جنبها قالتلها "متخافيش بيعى يا بنتى. كل البنات بيعملوا كده. هيجى العريس و نتفق معاه و عشان انتى سنك صغيرة و لسه بكر هيكون سعرك غالى.السماسره هياخدوا خمستاشر ألف و انتى خمستلاف. و بعدين نوديكى تعملى العمليه.و تتجوزى تانى و هكذا"!..
و رد السمسار قالها "اه عادى .انا كان معايا واحدة جوزتها بالطريقة دى سبعتاشر مرة.. دلوقتى ماشاءالله بَنت عمارة و بقت صاحبة املاك و راحت ف بلد محدش يعرف حاجة عنها فيها عشان تعرف تعيش. أهم حاجه تجهزى نفسك عشان الزبون لازم يعاين البضاعة.. بتكونوا خمس او ست بنات.. و كل سمسار او سمسارة بتحضرله بنت و هو يعاين و البنت واقفة قدامه عريانة. عادى يا بنتى متخافيش انتى مش أول ولا آخر واحدة تعمل كده. و بعدين ده حلال.. ماهو هيبقى جوزك بورقة عرفى و شهود. و بعدين يرمى عليكى اليمين و تقطعى الورقة بعد ماتخدى منه مبلغ كبير.. و انتى و شطارتك ليلة الدخلة ممكن تسلكى منه فلوس كتير غير الهدايا و المجوهرات"
قريت الموضوع ده تانى يوم من دخولى على موقع المطلقات اللى مش عارفة لحد الآن ليه و اشمعنى المطلقات؟! يمكن عشان هتكون المطلقة فريسة اسهل للسادة اصحاب الموقع و اللى بيسيروا الدعارة برخصة!
طيب مين المسئول عن الهزل ده؟ مين المسئول عن ان بناتنا يبقوا سلع
بيبيعوا لحمهم للى يدفع بالساعة؟ و ليه و عشان ايه؟ عشان البنات دول ملهمش اهل يلموهم؟ ولا ظروفهم صعبة فبيبيعوا؟ ولا عشان هما رخاص و منحطين؟ و لا جهله مش فاهمين ايه حقيقه اللى بيعملوه فى بلدنا و ف نفسهم؟
مين السبب فى انتشار شبكات الدعارة اللى واخدة الدين و حل ازمة العنوسه ستار عشان يجملوا الحقيقة المفزعة و يقنعوا البنات انها تبيع؟
انا محبطة و مكتئبة.. و بصراحة منتظره الأسوأ
Posts
