بقلم إيجي أناتوميست
أكيد فيه حد من اللي بيقروا المقال ده سمع في يوم من الأيام عن "جيش الرب".
"جيش الرب" ده عبارة عن تنظيم مسلح متمرد في أوغندا.
أوغندا دي طبعا – للي ما يعرفش – دولة في أفريقيا!
ليه التنظيم ده إسمه "جيش الرب"؟
البداية في تمانينات القرن العشرين. فيه قبيلة كبيرة في أوغندا اسمها "أكولي". القبيلة دي كانت مسيطرة على دولة أوغندا وعاملة بلاوي سودة في القبايل التانية. لكن حصل تغيير في الحكومة أدى لإن امتيازات ومكانة قبيلة "أكولي" بقت مهددة. طبعا خافوا من إن القبائل الأخرى تقوم بالانتقام منهم نظرا للفظائع التي ارتكبوها في حق باقي القبائل.
فيه بقى في قبيلة "أكولي" واحدة ست اسمها "أليس أوما" طلعت على الناس في قبيلتها – واللي كانوا خايفين ومش عارفين باقي القبايل هتعمل فيهم ايه – وقالتلهم انا اتصلت بربنا عن طريق الأرواح وقالتلي لازم نعمل جيش ونروح نستولي على العاصمة كمبالا (عاصمة أوغندا)، ولما نحقق النصر نستغفر ونطهر نفسنا من البلاوي اللي عملناها زمان ونحكم بالعدل.
المهم الحرب قامت. بين قبيلة "أكولي" بقيادة الست "أوما" اللي بتقول انها متصلة بربنا وبالأرواح وبين الحكومة المركزية في العاصمة. طبعا اتغلبوا والست "أوما" هربت لكينيا.
بعد كام سنة، الأستاذ "جوزيف كوني" ابن أخو الست "أوما" قاللك انا كمان ربنا بعتلي وقاللي تعمل جيش تسميه "جيش الرب" وتبدأ حرب "تحرير" أوغندا.
ومن ساعتها يا سيداتي وسادتي والحرب الأهلية في أوغندا مولعة. عشرين سنة لغاية دلوقتي. "جيش الرب" دبح حوالي 100 ألف فلاح وقروي أوغندي ربعهم أطفال. وكله تحت اسم الرب وفدا الرب وعشان خاطر عيون الرب.
"جيش الرب" خطف 8 آلاف طفل وجندهم وشيلهم سلاح. وكله عشان خاطر الرب يرضى عنهم.
"جيش الرب" فيه آلاف المقاتلين اللي مصدقين انهم فعلا بيرفعوا اسم الرب وبينصروه وبيحاربوا بأمر منه.
حد فيكم مصدق ان "جيش الرب" ده فعلا بتاع ربنا؟
أصلا مش الإسم فيه احتكار للكلام بإسم ربنا؟ هوه ربنا ليه جيش؟ محتاج جيش أصلا؟
طيب.
"حزب الله" .. ممكن أعرف ايه الفرق بينه وبين "جيش الرب" من ناحية التسمية؟
يعني ده الحزب بتاع ربنا؟ ربنا عامل حزب ليه؟ اشمعنى عمله مع الناس بتوع "حزب الله" دول؟
"جيش الرب" و "حزب الله" مش نصب ودجل سياسي؟
مش ملاحظين احنا ان أهدافهم دنيوية بحتة ومالهاش علاقة بالدين ولا بالرب؟ لكن بيتغطوا تحت التسميات دي عشان المثاليين والطيبين في أنحاء العالم يصدقوا ويضحوا بحياتهم عن طيب خاطر؟
طيب و "الاخوان المسلمين"؟
يعني ايه اخوان مسلمين؟
مش نفس الموضوع؟ وإن كان بدرجة أقل شوية.
لإمتى العقل العربي هيفضل أسير الشعارات والعناوين والأسماء الرنانة والكلام الفاضي ومش قادر يشوف أي حاجة وراء السطور وبجانب العناوين؟
لإمتى "حزب الله" و "الإخوان المسلمين" و "حركة المقاومة الإسلامية" هتفضل تقود العقول العربية وتشكل الوجدان العربي في اتجاه الدمار والخراب والضياع؟ مين قال إن المقاومة المشروعة للشعوب المحتلة لازم تبقى تحت غطا ديني؟ مين قال إن المقاومة لازم تكون مسلحة على طول وبغض النظر عن موازين القوى؟ مين قال إن الرسول عليه الصلاة والسلام معملش هدنات ومفاوضات وسلام لما كان أضعف وأقل عددا؟
لإمتى الخلط بين الدين والسياسية هيفضل جاثما على صدورنا؟
أموت واعرف ليه الحكومة الأوغندية معملتش تنظيم وسمته مثلا "جيش الإله" أو "جنود المسيح" أو اي حاجة كده بحيث انها توازن الحرب مع "جيش الرب" شوية. ماهو "جيش الرب" هيحارب مين غير "جيش الشيطان"؟ والإخوان المسلمين هيعارضوا مين غير الإخوان غير المسلمين (ده في أحسن تقدير) وحزب الله اللي يناقشه يبقى من "حزب الشيطان" والعياذ بالله.
أنا لو من مكان حكومتنا الغبية أعمل جماعة محظورة موالية للحكومة اسميها "الاخوان الملتزمون دينيا" أو "المتطرفون الإسلاميون" واطلقها على الاخوان تاكلهم.
والجماعة بتوع "14 آذار" في لبنان بدل ماهم تاعبين قلوبهم مع "حزب الله" يسموا نفسهم "طائفة الرحمن" أو "جماعة مكة والمدينة" أو حاجة زي كده. خلي اللعب يحلو.
من جيش الرب إلى حزب الله إلى إخواننا المسلمين.. التخلف ممتد وموصول من أفريقيا إلى آسيا...
"جيش الرب" ده عبارة عن تنظيم مسلح متمرد في أوغندا.
أوغندا دي طبعا – للي ما يعرفش – دولة في أفريقيا!
ليه التنظيم ده إسمه "جيش الرب"؟
البداية في تمانينات القرن العشرين. فيه قبيلة كبيرة في أوغندا اسمها "أكولي". القبيلة دي كانت مسيطرة على دولة أوغندا وعاملة بلاوي سودة في القبايل التانية. لكن حصل تغيير في الحكومة أدى لإن امتيازات ومكانة قبيلة "أكولي" بقت مهددة. طبعا خافوا من إن القبائل الأخرى تقوم بالانتقام منهم نظرا للفظائع التي ارتكبوها في حق باقي القبائل.
فيه بقى في قبيلة "أكولي" واحدة ست اسمها "أليس أوما" طلعت على الناس في قبيلتها – واللي كانوا خايفين ومش عارفين باقي القبايل هتعمل فيهم ايه – وقالتلهم انا اتصلت بربنا عن طريق الأرواح وقالتلي لازم نعمل جيش ونروح نستولي على العاصمة كمبالا (عاصمة أوغندا)، ولما نحقق النصر نستغفر ونطهر نفسنا من البلاوي اللي عملناها زمان ونحكم بالعدل.
المهم الحرب قامت. بين قبيلة "أكولي" بقيادة الست "أوما" اللي بتقول انها متصلة بربنا وبالأرواح وبين الحكومة المركزية في العاصمة. طبعا اتغلبوا والست "أوما" هربت لكينيا.
بعد كام سنة، الأستاذ "جوزيف كوني" ابن أخو الست "أوما" قاللك انا كمان ربنا بعتلي وقاللي تعمل جيش تسميه "جيش الرب" وتبدأ حرب "تحرير" أوغندا.
ومن ساعتها يا سيداتي وسادتي والحرب الأهلية في أوغندا مولعة. عشرين سنة لغاية دلوقتي. "جيش الرب" دبح حوالي 100 ألف فلاح وقروي أوغندي ربعهم أطفال. وكله تحت اسم الرب وفدا الرب وعشان خاطر عيون الرب.
"جيش الرب" خطف 8 آلاف طفل وجندهم وشيلهم سلاح. وكله عشان خاطر الرب يرضى عنهم.
"جيش الرب" فيه آلاف المقاتلين اللي مصدقين انهم فعلا بيرفعوا اسم الرب وبينصروه وبيحاربوا بأمر منه.
حد فيكم مصدق ان "جيش الرب" ده فعلا بتاع ربنا؟
أصلا مش الإسم فيه احتكار للكلام بإسم ربنا؟ هوه ربنا ليه جيش؟ محتاج جيش أصلا؟
طيب.
"حزب الله" .. ممكن أعرف ايه الفرق بينه وبين "جيش الرب" من ناحية التسمية؟
يعني ده الحزب بتاع ربنا؟ ربنا عامل حزب ليه؟ اشمعنى عمله مع الناس بتوع "حزب الله" دول؟
"جيش الرب" و "حزب الله" مش نصب ودجل سياسي؟
مش ملاحظين احنا ان أهدافهم دنيوية بحتة ومالهاش علاقة بالدين ولا بالرب؟ لكن بيتغطوا تحت التسميات دي عشان المثاليين والطيبين في أنحاء العالم يصدقوا ويضحوا بحياتهم عن طيب خاطر؟
طيب و "الاخوان المسلمين"؟
يعني ايه اخوان مسلمين؟
مش نفس الموضوع؟ وإن كان بدرجة أقل شوية.
لإمتى العقل العربي هيفضل أسير الشعارات والعناوين والأسماء الرنانة والكلام الفاضي ومش قادر يشوف أي حاجة وراء السطور وبجانب العناوين؟
لإمتى "حزب الله" و "الإخوان المسلمين" و "حركة المقاومة الإسلامية" هتفضل تقود العقول العربية وتشكل الوجدان العربي في اتجاه الدمار والخراب والضياع؟ مين قال إن المقاومة المشروعة للشعوب المحتلة لازم تبقى تحت غطا ديني؟ مين قال إن المقاومة لازم تكون مسلحة على طول وبغض النظر عن موازين القوى؟ مين قال إن الرسول عليه الصلاة والسلام معملش هدنات ومفاوضات وسلام لما كان أضعف وأقل عددا؟
لإمتى الخلط بين الدين والسياسية هيفضل جاثما على صدورنا؟
أموت واعرف ليه الحكومة الأوغندية معملتش تنظيم وسمته مثلا "جيش الإله" أو "جنود المسيح" أو اي حاجة كده بحيث انها توازن الحرب مع "جيش الرب" شوية. ماهو "جيش الرب" هيحارب مين غير "جيش الشيطان"؟ والإخوان المسلمين هيعارضوا مين غير الإخوان غير المسلمين (ده في أحسن تقدير) وحزب الله اللي يناقشه يبقى من "حزب الشيطان" والعياذ بالله.
أنا لو من مكان حكومتنا الغبية أعمل جماعة محظورة موالية للحكومة اسميها "الاخوان الملتزمون دينيا" أو "المتطرفون الإسلاميون" واطلقها على الاخوان تاكلهم.
والجماعة بتوع "14 آذار" في لبنان بدل ماهم تاعبين قلوبهم مع "حزب الله" يسموا نفسهم "طائفة الرحمن" أو "جماعة مكة والمدينة" أو حاجة زي كده. خلي اللعب يحلو.
من جيش الرب إلى حزب الله إلى إخواننا المسلمين.. التخلف ممتد وموصول من أفريقيا إلى آسيا...
Posts
